في ضيافة تاج الشعر....؟

03-10-2010, 09:59 AM

أسئلة خفيفة نستطلع منها ذائقة الأعضاء ونعرف توجهاتهم الشعرية

1- شاعررك المفضل - شاعرتك المفضله ؟
2- قصيدة اعجبتك وتحفظها عن ظهر قلب؟ أكتبها ؟
3- بيت شعري أعجبك وتردده دائماً؟
4- بيت شعري تتمنى أن يكون لك ؟
5- قصيدة أعجبتك بهذا المنتدى سوء منقوله أو لعضو أذكر عنوانها ورابطها أن أمكن ؟
6- عضو لدية موهبة شعرية ولم يفصح عنها حتى الآن؟
7- عضو لدية ذائقة متميزة ؟
8-اكتب بيت شعر من إنشاءك حتى لو كان غير موزون ؟ لزوم لزوم
9-هل شعر المحاورة يعجبك ؟ ومن هو شاعر المحاورة الذي يعجبك ؟
10- بيت شعر توجهه لعضو معين ؟ وخيار كتابة أسم العضو متروك لك ؟
11- مارأيك بقسم تاج الشعر ؟ واين تصنفة من أقسام المنتدى ؟
12- اكتب قصيدة من ذائقتك ؟

بداية نختار مشرف هذا القسم (عزيز النفس) وعليه ان يختار احد الاعضاء وبعد ذلك
كل عضو يختار من يكون بعده

03-10-2010, 12:55 PM

عازف اوتار الغلا

بيض الله وجهك موضوع راااااااائع

يستاهل التثبيت

03-10-2010, 01:27 PM

جاوب ياعزيز النفس

03-10-2010, 01:46 PM

- شاعررك المفضل - شاعرتك المفضله ؟
الشعراء المفضلين لدي كثر ولا استطيع ان اذكرهم جميعا

اما بالنسبه للشاعرات فلا يوجد

2- قصيدة اعجبتك وتحفظها عن ظهر قلب؟ أكتبها ؟

انا لا احفظ قصيده كامله ولكن احفض ابيات

عليك باللي حزة الضيق يفداك
لا شانت الدنيا ودارت رحاها
اليا زهمته لو على الموت لباك
عيني لجل عينك وروحي فداها
ترى الخوي نبراس روحك وملجاك
ولاتلحة بقعا وزادت غثاها
حذراك من بعض المخاليق حذراك
بعض العرب ماتفرقه عن نساها

3- بيت شعري أعجبك وتردده دائماً؟

لاصار مالك من ذراعك نجده
شربٍ على يدين الاوادم هماج
4- بيت شعري تتمنى أن يكون لك ؟

وش خانت الدنيا وجمع الدنانير
وحنا علانا نازع الروح ناوي

5- قصيدة أعجبتك بهذا المنتدى سوء منقوله أو لعضو أذكر عنوانها ورابطها أن أمكن ؟

الكثير الكثير واخر وحده اعجبت فيها كثيرا

حذراك حذراك صاحب الموضوع طلاسم الشوق
6- عضو لدية موهبة شعرية ولم يفصح عنها حتى الآن؟

الله اعلم

7- عضو لدية ذائقة متميزة ؟

طلاسم الشوق

8-اكتب بيت شعر من إنشاءك حتى لو كان غير موزون ؟ لزوم لزوم

لاضاق صدري دعيت الله الفراج
يفرج ثقيل الهم من صاحب الهم
اللي لاجل رضاه حجو الحجاج
ويدعيه رجلٍ مومنٍ بليلٍ اعتم

9-هل شعر المحاورة يعجبك ؟ ومن هو شاعر المحاورة الذي يعجبك ؟

لا

10- بيت شعر توجهه لعضو معين ؟ وخيار كتابة أسم العضو متروك لك ؟

احفض دبشك اللي عن الناس يغنيك
اللي ليا بان الخلل فيك يرفاك

الى عازف اوتار الغلا

11- مارأيك بقسم تاج الشعر ؟ واين تصنفة من أقسام المنتدى ؟

قسم الشعر رايي فيه قسم ناجح جدا واصنفه من الدرجه الاولى

12- اكتب قصيدة من ذائقتك ؟

يا عمير شب النار والسمر صفه

يوم النعايم بارزات تكاشف

واحمس من البن اليماني وصفه

هذا هواي وكل نفس لها شف

والبن زد به حيل والهيل وفه

وخلك حذر بالعين يا عمير والكف

عن السريب وبعض الاحراق عفه

وحذراك لا تعجل عليها وتحتف

اليا قلب الهيل يالقرم كفه

وليا ركد خله على الصين يذرف

ويلزمك في يمناك يمي تزفه

عطنيه يوم اني عليه اتلاهف

يبري هموم بالحشا يوم اشفه

منها معاليق الضماير تواجف

الله من قلب همومه تلفه

باقصى فوادي موجعات تخلف

روابع بالقلب ديا متخفه

منها زمام القلب يا عمير يخطف

كم قلت له يالقلب ما فيك خفه

ومن جورهن للناس قامت تكشف

وكم قلت له لازم يجي فيك عفه

ومن صد عنك بنايباته عنه كف

خله وراد مقيط يتبع مهفه

ولياك يا قلب شقا به تحسف

بالبغض عن صاف الغلا منك قفه

داره عسى فيها الصواعق تراجف

اعنز على مغني عبيده بكفه

اللي جزا داوود بالعفو وانصف

ولا خاب من يرجي الغنايم بضفه

رب على كل الخفيات مشرف

الحر ميقاعه على راس طفه

عن الطمان بنايف الحيد يشرف

وفرخ العقاب اليا تضايق برفه

ينوض لو ريش الجناحين ماصف

واحذر يجيك بساعة الضيق خفه

وباللي مضى للناس يالادمي شف

والراي حطه بين كفه وكفه

وفكر وقدر للخفيات واعرف

سدك بسر الغيب خفه ولفه

ومن لا يودك عنه لازم توقف

واليا انتحا خاطرك هف بمهفه

بلكي يكون بما قف العز تاقف

عازف اوتار الغلا

03-10-2010, 11:25 PM

1- شاعررك المفضل - شاعرتك المفضله ؟

الشعراء كثيرين لكن الاقرب لي نايف بن عرويل الدعجاني
اما الشاعرات فلا يوجد احد
2- قصيدة اعجبتك وتحفظها عن ظهر قلب؟ أكتبها ؟

سلام الله على رجم ٍ طويل وكايـد المرقـى
اعديبه ليا ضاقت علـي وشانـت اخلاقـي
على الله يامقاديم الزمان ولحضـة الفرقـى
يطيب الجرح وتعود الحياة بداخل اعماقـي
وانا من عقب ماغابت هذيك الجادل الطرقى
وانا مثل النبات الي تحـول دونـه الساقـي
اشوف الماء ولا آصله واحس بداخلي حرقى
يلين اشهبت غصوني وطاحت كامل اوراقي
شهقت جروح والعبرة على جفن العناء ترقى
زفرت الآم ودموعي تحير بداخـل احداقـي
ابيت الذل لو عيني بصادق دمعتي غرقـى
اريق دماي بيديني ودمعـي فـوق ماراقـي
والا منه نشى برق ٍ بداخل غيمـة ٍ زرقـى
تقطع من معاليقي ثمرهن وانكسـر ساقـي
ذكرت الليل يومنه تفرق والهـوى شرقـى
وبان الصبح بأزوال الطيور ورسمها راقـي
وبانت تحتها نجل ٍ مضارب رمشها عرقـى
وسيف ٍٍ حده الصانع على تبتيـر الاعناقـي
وذبل ٍ حض من يسرق ترايق شهدها سرقى
خطير ٍ يكره الباقي من المشـرب لياذاقـي
تنحت وانتحت واقفت وشفت ببعدها فرقـى
فقدت الضحك والبسمة دخيل الله وش باقـي
دخيل الله يارجم ٍ طويـل وكايـد المرقـى
تكتم واحفض اسراري مثل ما تحفظ اوراقي

3- بيت شعري أعجبك وتردده دائماً؟

ترى مايذبح الواحد يكود الجـرح مـن غالـي
وجرحك كل ما يطري على روحـي يئلمهـا
انا مدري وش اكتبلك ولا ادري ويش منوالـي
ولا ادري ليش انا انقالك بيوت الشعر وانضمها
4- بيت شعري تتمنى أن يكون لك ؟

مدامك دوم في بالي ولا قد غبـت عـن بالـي
ونار الشوق لا هبت هبـوب النـود تشعمهـا

5- قصيدة أعجبتك بهذا المنتدى سوء منقوله أو لعضو أذكر عنوانها ورابطها أن أمكن ؟

جميعها لكن الاكثر الله لو الضيق يشرى وينباع صاحب الموضوع شموخ العز
6- عضو لدية موهبة شعرية ولم يفصح عنها حتى الآن؟
.....................؟

7- عضو لدية ذائقة متميزة ؟

عزيز النفس

8-اكتب بيت شعر من إنشاءك حتى لو كان غير موزون ؟ لزوم لزوم

أنا ما احب شعري يعتليني فـ.. اغلب الأوقات
أحبه لكـن ابعيـد ٍ عـن الطيـب ومجالاتـه
لإنه شي لا يرفـع ولا ينـزل مقـام الـذات
هوايه واعتبرها طارق امـن احـدى هواياتـه

9-هل شعر المحاورة يعجبك ؟ ومن هو شاعر المحاورة الذي يعجبك ؟

نعم / الشاعر الكبير حبيب العازمي

10- بيت شعر توجهه لعضو معين ؟ وخيار كتابة أسم العضو متروك لك ؟

ماودي اشكي عنـد عـاذل وشمـات **ولابي علـي النـاس تلقـى مجالـي
اقضي طـوال الليـل نـوح ٍوونـات **والناس ماتـدري عـن الـي جرالـي
صبـرت واستبدلـت قولـي تنهـات **وتسابقـن دمعـات عينـي تـوالـي

طلاسمـ الشوق
11- مارأيك بقسم تاج الشعر ؟ واين تصنفة من أقسام المنتدى ؟

قسم اكثر من رائع / ويستاهل الدرجه الاولى

12- اكتب قصيدة من ذائقتك ؟

ياالي تجرين الهمـر وسـط بيـروت
مالمتـك مـن عيـن غيـري عباتـي
لكن تعالـي بتـرك الخلـق للمـوت
وباتي على حضي من النـاس باتـي
ببيحلك شـي ٍ مـن العـام مكبـوت
وبلقي على ساحر عيونـك عصاتـي
الـي بـأذن الله تقلـب الـى حـوت
لو كـان مالـي بالنبـوة صـلا تـي
لكـن شعـري در مرجـان ياقـوت
والطيب دربي والعطى مـن سماتـي
وشعر ٍ بلا معنى مع الناس ممقـوت
وشعـر ٍ فغيـرك مايجيلـه حلاتـي
جسمك على ذوق المحبيـن منحـوت
ووجهـك يلـم مباعـدات الشتـاتـي
الثلـج والرمـان والخـوخ والتـوت
والقوس والخنجر وسيـف الزناتـي
ورمش ٍ ليا سلهـم تقـل بالبراشـوت
ينـزل علـى رتـم الثقـة والثباتـي
واليا ارتفـع يفتـح ثمانيـن تابـوت
اكتب قبل ترفـع رموشـك وصاتـي
والعنق عنق الريم لا سمعت الصـوت
ولبـة نحـر تشبـه عبـال الفلاتـي
وباقي وصوفك كلها سحـر هـاروت
في وصفها ذالوقـت ماهـو مواتـي
لاكن تعالي قبل لا وقتـي ( يفـوت)
واسترسلي في زيـن قولـك وهاتـي
وش جفلك من ديرة عقـاب يانـوت
ماعوضت (عالييه) رجـم السراتـي
ووراك عارضتي هل الصوت بسكوت
وزينـك تعـرض للريـاح العواتـي
انا اعرف ان الناس لا لبست الكـوت
تبغي دفا ماهيـب تبغـي عراتـي!!
وانتي لبستي كوت والكوت بسبـوت
كوتـك فـرو لاكـن فـروه شتاتـي
لبسك بوسط الريح والثلـج مشمـوت
وانتـي مزاجيـة سواتـك سـواتـي
ليش الهمر ماهوب لكزز ولا حـوت
ماصنعـوه الغـرب لجـل البنـاتـي
يعني بدي شمعـات تنـده وكبـوت!!
وشلون تاتي بـس وشلـون تاتـي؟؟
وختامها لو صحت في عالي الصوت
مالمتـك مـن عيـن غيـري عباتـي

شموخ العز

03-11-2010, 03:48 PM

مشكور عازف على الموضوع الحلو

1- شاعررك المفضل - شاعرتك المفضله ؟
سعد علوش ، حامد زيد
شاعرهـ لايوجد

2- قصيدة اعجبتك وتحفظها عن ظهر قلب؟ أكتبها ؟

اخذيني اليا عجبتس بس رديني
=======وان ماعجبتس خلاص اخذيني مابيني
مادامني شفت فيك الطهر والعفة
==========بعيف نفسي ليا منك كرهتيني
اخذيني لو اعتبر من ضمن اشيائك
=========== و انا بحبك ولالازم تحبيني
مابي علاقة ولابي نضرة او بسمة
=========احساسي اني بقربك بس يكفيني
ولو اني انظفت لاشيائك غصب عنك
===========طلي علي ياغناتي لاتخليني
تراي لا جا المصامد ماني بهين
======= == تقول كن العرب لعبة بيديني
شخصيتي من غرابتها وطيبتها
======== كن الزمن في تحدي بينة وبيني
خذيني الشاعر اللي ماصدق حظة
======= لي قلت ياحظ وينك قال يا ويني
خذيني المبدع المتفلسف التحفة
=======مؤمن وتظحك على العالم شياطيني
شهرة شكسبير وافلاطون ونيوتن
======لي قلت لي بيت شعر تطيح من عيني
خذيني العنصر الي صدق متعنصر
=========من دون ربعي لو اقطع شراييني
اخذيني اللي إلامنة طلب يعطى
=========تكفين لا من طلبتك لا ترديني
تكفين ياغايتي يابهجة الدنيا
=========اباحرق قلوب ناس ماتدانيني
اخذيني بكل شوق وقولي احبه
=======وان شككو فيك والا في ضميني
قولي سعد واللة انة غالي جدا
=======وياجعل فدوةشبابي واخر سنيني
وانا باصدق كلامك واعتنز باللة
========وباقول للناس مايعنيك يعنيني
وانا علي نذر ماارخص جيتك وانتي
======== نذر على رقبتك انك ماتخليني

3- بيت شعري أعجبك وتردده دائماً؟
مو كل من يبعد عن العين ننساهـ!!
======= بعض البشر غلاه يزيد بغيابهـ !!

4- بيت شعري تتمنى أن يكون لك ؟
من غيره اللي يقدمني علـى نفسـهـ
======= ويرفى خمالي ويدمح عنّـي الزلّـهـ

أبوي عزّي وآنآ لآجيت عز لّه •●

5- قصيدة أعجبتك بهذا المنتدى سوء منقوله أو لعضو أذكر عنوانها ورابطها أن أمكن ؟

انا والليل خلان ورفاقه....

6- عضو لدية موهبة شعرية ولم يفصح عنها حتى الآن؟
الليث , نجومة

7- عضو لدية ذائقة متميزة ؟
عزيز النفس

8-اكتب بيت شعر من إنشاءك حتى لو كان غير موزون ؟ لزوم لزوم
لاااا مــســتــحــيـــل

9-هل شعر المحاورة يعجبك ؟ ومن هو شاعر المحاورة الذي يعجبك ؟
فلاح المورقي وبس غيرهـ ما اتابع

10- بيت شعر توجهه لعضو معين ؟ وخيار كتابة أسم العضو متروك لك ؟
في داخلي لك غلا تضيع الدنيا فيهـ..
غلا يغطي الارض ويحجب سماها...
غلا بروحي أشيله ومن دمي اسقيهـ..
معزة مايبدلها لين الايام وقساها..
أهديك قلبي وهذا أقل شي أهديهـ..
خذ "الفرح" منه وردالأحزان للي "هداها"
(( نجومة ))

11- مارأيك بقسم تاج الشعر ؟ واين تصنفة من أقسام المنتدى ؟
ممــتــاز

12- اكتب قصيدة من ذائقتك ؟

مـآـآ عـلـيـكـ إن طـحــت يــآ حـظـي مـلآآم
وإن بـغـيـت ألـــــووم قـلـي مـن ألــــــووم !؟

ضــــآآ قــــت الــدنــيــآ ولآ عــنــدي كـــلآآم
يـآـآهـي صـعـبـهـ ضـيـقـة الـشـخـص الـكـتـووم

مـن يـلـوم إن صـآر بـإحـسـآـآسه زحـآآم
والـسهــر عــيـى عــن أحــزآـآنـه يــقــووم

ضـآيـعـن وسـط الـهـوآآجـس والـظـلآآآم
فـي عـيــونـهـ يـآأإأآهـ .. يـآ كـثـر الـهـمـووم

رغـم إنـهـ عـآش مـن فـوق الـ غ ـمـآآم
بــس مـآـآ يـــطـمــح بـمآ دوون الــنـجووم

حـط لـهـ بـيـن الـبـشـر قـدر ومــقــآآم
ويـن مـآ وجـــّـهـ عـزيـزنٍ و امـحـشـووم

مـن تـنـكــر صـد عــنــــه بــإحــتــرآآم
وإلـلـي وآفـي شـآيـلـهـ فـوق الـغــيــووم

مـآ نـثـر دمـعـهـ عـلـى صــدة غـرآآم
ولآ وقـف فـي سـوق خـلآـآنـهـ يـسـووم

لـو زعـل وصـد ونـسـى كـل الـخـصـآآآم
مـآ يـفـآآرق صآآحـبـهـ لـو هـو جـزووم

مـؤمـن إن الـغـدر فـي شـرعـهـ حـرآآم
ومـن غـدر بـهـ يـبـتـعد عـنـهـ ويـشـووم

وإنـت يـآـآ قــلــبــي أصـحيك وتناآآآم
ودي تـصـحى بـس أبـي تـصـحــاآلي دووم

قـلـت لـكـ لآـآ تـطـمـح بـرآآس النــعــاآآم
ولآـآ تـطـب الـيـم .. دآآمــــك ماتعــــوم

ولآ تـضـيـم الـحيـي وحـيـــكـ مـآـآ يـضـآآم
وإن خـذوآ لـكـ حـق .. لآـآ تـشـكـي وتـلـووم

الـعطـآـآ .. يـبـيـن عـلـى وجـيـهـ الـكـرآآم
لآـآ تـظـن الــطـــــيــب يـنـفـع بـآـآلـرخـووم

:::

طلـآسم الشوق

03-11-2010, 07:35 PM

بأنتظار طلاسم

03-13-2010, 01:14 AM

اقتباس:

1- شاعررك المفضل - شاعرتك المفضله ؟

الشــآعر / شقير آلجذع
آلشــآعرهـ / لآيوجد

اقتباس:

2- قصيدة اعجبتك وتحفظها عن ظهر قلب؟ أكتبها ؟

الا يا غزالن فوق خده رموش سود
مضاليل رمشه ضافياتن على خده
على خدن ابيض مع بياضه حمـار ورود
لاشافهـا راعـي الهـوى يلعـن جـده
اليا شاف رمش العين والاشقر المرجـود
تقول الـدروب الواسعـه عنـه منسـده
اليا راح عود كن عنه الفضـاء مسـدود
جداه الونيـن وصفـق يـده علـى يـده
يضّيـع كـلام العقـل ويضّيـع المنقـود
للهرج مـاعـنـده لا هـاتــه ولا وده
يعـد النجـوم الساهـره والعبـاد رقـود
ويرفع له الهاجـوس ضغطـه اليـا حـده
ولا ياحمام الورق زيـدي وانـا بـازود
اليا جبتي اول صـوت منـي خـذي رده
تنوحين طربانه اليـا هـز ريشـك نـود
وانا هزنـي حبـن صميـم الحشـا قـده
ولا ياحمامـه حـددي للونيـن حــدود
ترى ان كان طولتيـه طـولت انــا مــده

اقتباس:

3- بيت شعري أعجبك وتردده دائماً؟

انا مــآتكلم لين اشوف الرجال سكوت ** على شــآن كلن ينتبهلي ويوحيني

اقتباس:

4- بيت شعري تتمنى أن يكون لك ؟

آخيـــر منهآ ركعتينن بــآلآسحــآر ** لآ طــآب نوم آللي حيــآته خســـآرهـ

اقتباس:

5- قصيدة أعجبتك بهذا المنتدى سوء منقوله أو لعضو أذكر عنوانها ورابطها أن أمكن ؟

قصيدة البارحة جفني عن النوم سالي

اقتباس:

6- عضو لدية موهبة شعرية ولم يفصح عنها حتى الآن؟

!!!

اقتباس:

7- عضو لدية ذائقة متميزة ؟

عــــزيز آلنفـــس

اقتباس:

8-اكتب بيت شعر من إنشاءك حتى لو كان غير موزون ؟ لزوم لزوم

اقتباس:

9-هل شعر المحاورة يعجبك ؟ ومن هو شاعر المحاورة الذي يعجبك ؟

نعم / حبيب العازمي , سلطان بن وســآم

اقتباس:

10- بيت شعر توجهه لعضو معين ؟ وخيار كتابة أسم العضو متروك لك ؟

الرفقه اللي مالها فالزمن ساس
لا تعتني فيها ولا عاد تبلشـك

طنش تعيش ولا تعذر من الناس
ما ينفعك معذار واحد مطنشـك

اقتباس:

11- مارأيك بقسم تاج الشعر ؟ واين تصنفة من أقسام المنتدى ؟

/ آلثــآني

اقتباس:

12- اكتب قصيدة من ذائقتك ؟

يامل قلـب يسـج أوفيـه دولاجـه
من واهج بالضمائـر قـام يدرجهـا
مغير أسير تقـول امضيـع حاجـه
واخذ وأسند علي روحي وأهرجهـا
وادوج لو كان ما رجلـي بدواجـه
أدلـه النفـس لـيـه الله يفرجـهـا
في معزل عن كثير الخلق وازعاجه
ما سمع من الناس لو تكثر لجالجهـا
يالله ياللي بيـدك الضيـق وافراجـه
ياخالق الخلـق ياقاضـي حوايجهـا
تفرج لعيناً إلـى غفـت بسوهاجـه
تجهز عليها الطواري لين تزعجهـا
بالصدر ضيقه ونوم العين هملاجـه
عيناً من العـام والسهـر أمتولجهـا
نومٍ سهرها شديـد ونـوج سهاجـه
ونوجٍ تكن الدموع ونـوج تزعجهـا
عليك ياللـي بقلبـي كـأن وهاجـه
وهاج نار هـوا الغربـي يسارجهـا
راعي ثماناً كمـا الياقـوت لعاجـه
كاءن البرد يوم يضحك في مفالجهـا
يا روح روحي وزع القلب وانتاجـه
الطف بروح عليـك الهـم ساهجهـا
وشي ينفعك من حنين القلب واخلاجه
وجروح أسبابها انـت ولا تعالجهـا
أما التفتلـه وتـم الوصـل بمواجـه
والا بـلا عشـرةٍ هـاذي نتائجهـا

آمـــوره آلكويتيه

03-13-2010, 01:20 AM

طلاسم
نأمل اختيار عضو بعدك ليكون في ضيافتنا

03-13-2010, 10:21 PM

اموره ماتقدر تدخل هاليومين

ارجو ان تختارو احد غيرها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)