نار الفراق

02-19-2010, 12:50 AM

نار الفراق

أَلا ياليل أَنا بنشدك عن خلٍ برى لي الحال
وليفٍ دايمٍ أشعر بقربه لاطرى زوله
وليف مكمله ربي بزينٍ ما خطر عالبال
ليامنه لمح زولي بقربه هزلي طوله
وانا لي فترة منه ولدري وش قطع الإرسال
وهو يدري يطير القلب لا من جاني مرسوله
هذاك اللي ليا مني طلبته قال لي بالحال
وهو يدري وش اللي أَطلبه من قبل ما قوله
طلبتك يا عظيم الشان تعدّل وقتنا اللي مال
أَجل يومين ما يسأَل وغايب عني وشهوله
وترى نار الفراق أَهون عليّ من الهجر لو طال
وأَنا لا مرني يومٍ بدونه قلت يا طوله
وأنا ما كنت أحسب أن الهجر له بالعذاب وصال
الين أَخذت أَنا من صاحبي وأعطاني هالجوله

لمبدعها // علي بن هيف القحطاني

02-19-2010, 12:58 AM

اموره يعطيك العافيه

قصيده متوسطه لكنها كرساله فهي شرح لما مر به صاحبها

تحيتي لك اموره

كل الود

02-19-2010, 01:04 AM

شكووو لا

بس شفتها اليوم نازله بالجريده و اعجبتني

و الله يعطيك العافيه

02-19-2010, 01:11 AM

شكو ويش...؟

انا اقول شاعرها يشرح حاله <<

02-19-2010, 01:16 AM

انا أقول لأ لأنك تقول متوسطه

لأنها لو متوسطه مانزلت بأحلى جريده اليوم

02-19-2010, 01:21 AM

مزاجي وذوقي وكلٍ له ذوقه ومزاجه

على العموم تحيتي لك

02-19-2010, 01:23 AM

02-19-2010, 02:03 PM

قصيده رآآآئعه .. وكلمآتهآ مؤثره جداً

مع انها حلوهـ خرب عليها طول بعض الشطور .. ولاهي خيآآل

يسلموو اموره ع النقل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)